اے این ایف نا کارروائی، 5 دوبہ دار دزگیر، 128 کلوگرام منشیات دوئی

راولپنڈی۔ 04 مارچ (اے پی پی) اینٹی نارکوٹکس فورس (اے این ایف) منشیات اسمگلنگ نا برخلاف برجاکریک ڈاؤن اٹی 5 کارروائی تیٹی 128 کلوگرام منشیات دوئی کرسا 5 دوبہ دار آتے دزگیرکرے۔ اے این ایف ترجمان نا رداٹ پشاور بالی پٹ آ جدہ غا ہنوک آمسافر آن 40 دانہ ہیرون آن پُر کیپسول دوئی کننگا۔ زخہ خیل خیبرآن 63 کلوچرس دوئی کننگا ۔ نیشنل ہائی وے حیدرآباد نا خڑک 2 دوبہ دار آن 58.8 کلوگرام چرس دوئی کننگا۔ نورشاہ روڈ ساہیوال اٹی دوبہ دار اسے آن 4.8 کلوگرام چرس دوئی کننگا۔ جی ٹی روڈ سوہاوہ جہلم نا خڑک  دوبہ دار اسے آن  1.2 کلوگرام چرس دوئی کننگا ۔ ترجمان پارےکہ دزگیر دوبہ دار آتا برخلاف منشیات تور ایکٹ انا رداٹ مقدمہ درج کرسا جاست وپاست نا بناءِ کننگانے۔