وزیراعلیٰ بلوچستان سینئر پارلیمنٹرین محمود خان اچکزئی نا اُراغا چھاپہ غاتا نوٹس ءِ ہلے، بلاول بھٹو زرداری

اسلام آباد۔ 04 مارچ (اے پی پی) پیپلزپارٹی نا چیئرمین بلاول بھٹو زرداری وزیراعلیٰ بلوچستان آن خواست کرینے کہ او سینئر پارلیمنٹرین محمود خان اچکزئی نا اُراغا چھاپہ نا نوٹس ءِ ہلے۔ دوشنبے نادے آ قومی اسمبلی ٹی گپ وتران کرسا بلاول بھٹو زرداری پارے کہ محمود خان اچکزئی نا اُراغا چھاپہ مذمت نا قابل ءِ، اگہ ہموڑے گڑاس غیرکانودی ئس تو اونابایدے جاست وپاست مروسس، محمود خان اچکزئی صدر نا گچین کاری تیٹی بشخ ہلنگ ءِ دا گام صدارتی گچین کاری ءِ متنازعہ جوڑ کننگ کیک۔ اسپیکر قومی اسمبلی پارے کہ داواقعہ نا اودے سماالوکہ، وزیراعلیٰ بلوچستان تون داڑآ ہیت کینہ۔