سی پیک چین و پاکستان نا نیام اٹ سدابہار سنگتی نا پیدوار ترجمان جوڑ مسنے، محمد ضمیر اسدی

اسلام آباد۔ 04 مارچ (اے پی پی) چائنا انٹرنیشنل پریس کمیونیکیشن سینٹر نا ریسرچ فیلو محمد ضمیر اسدی پارینے کہ 10 سال انا تعمیر آن پد سی پیک چین و پاکستان نا نیام اٹ سدابہار سنگتی نا پیدوار ترجمان جوڑ مسنے۔ دوشنبے نادے آ  تینا بیان اٹی اوپارے کہ ہڑتوم آ سیشن تا براہ راست کوریج ءِ کننگ آن صحافی تے اسہ جتا ءُ نقطہ نظراس ملک، و نم چاہنگ کیرے کہ چین نا شونداری اخہ مثبت و ترند رفتار ءِ۔ اوپارے کہ 2020آن 2035 اسکان نا اولیکو ریسہ ٹی چین اعتدال پسند شونہال راج انا ٹہیفوک  بنداو آ پین 15 سال سخت خواری کیک، ارٹ میکو ریسہ ٹی 2035 آن 21 می صدی نا نیام اسکان چین بنداوی وڑاٹ جدیدیت دوئی کننگ آ تعمیر پین 15 سال اسکان سخت خواری کیک۔ اونا پاننگ ئس کہ چین نا 14 می پنچ سالہ ڈٹ (2021-25)، ہرانا 11 مارچ 2021 آ نیشنل پیپلز کانگریس (این پی سی ) باضابطہ وڑاٹ توثیق ءِ کریسس، تاریخی سرسہبی تتون تینا چارمیکو سال اٹی پترینگ انگ ءِ۔