اسلام آباد۔ 04مارچ (اے پی پی) بنجائی سیکرٹری قومی جان جوڑی افتخار شلوانی پارینے کہ جہانی ادارہ جان جوڑی نا خذمت ستاکڑزک، وزارت جان جوڑی یونیورسل ہیلتھ کوریج کن مربوط گام گیج کننگ ءِ۔ وزارت جان جوڑی آن جاری بیان نا رداٹ داہیت ءِ او ملک اٹی جہانی ادارہ جان جوڑی نا پوسکن تعینات نمائندہ ڈاکٹر ڈیپنگ لیو تون اوڑدہی ٹی پارے۔ اوڑدہی ٹی جان جوڑی نا بشخ و تین پہ تینی است خواہی نا امور آ گپ وتران کننگا۔ سیکرٹری جان جوڑی جہانی ادارہ جا ن جوڑی نا نمائندہ ناتعیناتی ءِ ستاکڑزوک گوندسا اودے مبارکبادی پیش کرے۔ اوپارے کہ ڈبلیو ایچ او ہرمشکل اٹی پاکستان تون ہم کوپہ سلک۔ اوپارے کہ وزارت جان جوڑی یونیورسل ہیلتھ کوریج ءِ پک کننگ کن مربوط گام گیج آتے پک کننگ ءِ۔ پولیو نا چٹفنگ کن ہلہلہ ئی بنداوتیا گام گیج کننگ انگ ءِ۔ داوخت آ نمائندہ ڈبلیو ایچ او پارے کہ پاکستان اٹی جان جوڑی نا بشخ شونداری نا کنڈآ ہِننگ ءِ و ڈبلیو ایچ او جان جوڑی نا بشخ اٹی پبی کمکاری ءِ برجاتخک۔
