حکومت مچ آ ملک اٹی ٹی بی نا مفت درمان نا فراوانی ءِ پک کننگ ءِ، افتخار علی شلوانی

اسلام آباد۔ 04 مارچ (اے پی پی) بنجائی سیکرٹری قومی ہیلتھ افتخار علی شلوانی پارینے کہ حکومت مچ آملک اٹی ٹی بی نا مفت درمان نا فراوانی ءِ پک کننگ ءِ، ٹی بی اسہ قابل ءُ درمان مرض اسے، نن غٹ اواری اٹ ٹی بی نا چٹفنگ کن تینا تینا گچین کڑد ءِ ادا کین۔ وزارت جان جوڑی آن جاری بیان نا رداٹ داخیال آتا درشانی ءِ  او وزارت جان جوڑی نا کنڈآن ورلڈ ٹی بی ڈے انا بابت سیمینار آن تران کرساکرے۔ اوپارے کہ حکومت ٹی بی نا توننگ کن گچین گام گیج آتے پک کننگ ءِ۔ پاکستان دنیاٹی ٹی بی نا بابت پنچ میکو نمبرآٹی ءِ۔ حکومت مچ آ ملک اٹی ٹی بی نا مفت درمان نا فراوانی ءِ پک کننگ ءِ۔ 1500 آن زیات سرکاری و نجی سینٹرآتیٹی ٹی بی نا تشخیص و مفت درمان مننگ ءِ۔ 15000 آن زیات جنرل پریکٹیشنرز ٹی بی کنٹرول نا کوشست آتیٹی لگوک ءُ۔ پاکستان ستمبر 2023 اٹی تپ دق آ اقوام متحدہ نا بڑزکو کہولی دیوان آ دستخط کرینے۔ افتخار علی شلوانی پارے کہ ننے ٹی بی آن زہمی 2.2 ملین مخلوق ءِ پٹنگ و اوفتادرمان ءِ کننگ نا زمواری ءِ تننگانے۔ مچ آملک اٹی ٹی بی نا درمان ساڑی ءِ۔ ٹی بی نا چٹفنگ کن مربوط گام گیج آتے پک کننگ اُن۔ مچ آ ملک اٹی وزارت جان جوڑی نا کنڈآن ٹی بی نا مفت درمان ءِ کننگک۔ حکومت بروک آ چین تے ٹی بی آن پاک کننگ کن گچین گام گیج آتے پک کننگ ءِ۔ اوپارےکہ نیشنل ٹی بی کنٹرول پروگرام، ترند رفتار، بھلو کچ اسے آ کارروائی و دمدستی زرکاری آ چکار کننگ ءِ۔ ٹی بی اسہ قابل ءُ درمان مرض اسے، نن غٹ  ٹی بی نا چٹفنگ کن تینا تینا کڑد ءِ اداکین۔ میڈیا ٹی بی نا بارواٹی سہی معلومداری تالان کننگ اٹ اہم کڑد ادا کیک۔ حکومت نا جوڑ کروک  جان جوڑی ہند آتیٹی ٹی بی نا درمان مچ آپاکستان اٹی مفت دستیاب ءِ۔ ٹی بی نا مریض آک پورو وڑاٹ سہی مننگ کن 6 تُو انا درمان (DOTS)ءِ پورو کیر۔