گچین  بوتگیں  مزن وزیر  شہباز شریف ءِ اپوزیشن    ءَ  را   معیشت   ءِ پڑ ءَ دیمروئ  ءُ  تپاکی   ءِ دعوت،   بیا ات  یکجا  باں  پاکستان ءِ کسمت ءَ   مٹ  کناں ءُ   جیڈھ  آں  چہ  وت ءَ رکھیناں،   شہباز شریف

اسلام آباد۔3مارچ  (اے پی پی): گچین بوتگیں  مزن وزیر محمد  شہباز شریف  ءَ اپوزیشن    ءَ را    معیشت  ءِ پڑ    ءَ دیمروئی  ءُ  تپاکی   ءِ دعوت    دیان ءَ گوشتگ کہ  بیا  یکجا  باں  ءُ پاکستان ءِ کسمت ءَ    مٹ  کناں ءُ   اے  پڑ ءَ  جیڈھ آں چہ در  کپاں  ،   گریبی ءِ پڑ ءَ  کمی،  روزگار   ءِ پجاری،  معاشی   انصاف، سستا ءُ  زوتیں  انصاف  مئے  اولی   کار انت۔  ڈنی سرمایہ کاری آنی  تہ  ءَ گیشی  ءِ واستہ    ویزہ  فری انٹری  ءِ آسراتی  دیاں،   توان ءِ قیمت  آنی تہءَ کمی  آرگ  ءِ واستہ   تیل ءَ چہ توان    پیداک  کنوکیں     کمپنی  زوتیں   رنگ ءَ    ایندگر   رپک ءَ چہ توان  پیداک   کنگ  ءِ   نیمگ ءَ دلگوشی    بکناں۔    ایف  بی آر ءَ  وت   کار کنوکیں  کار  رپک   سہرا   کناں۔  نوں    محنت  گیش  کنگی انت۔    یک شمبے ءِ روچ ءَ   مزن وزیر گچین بوھگ ءَ چہ پد   راجی اسمبلی ءِ دیوان  ءَ گوں  گشتانک  دیان  ءَ   گچین بوتگیں  مزن وزیر  محمد   شہباز شریف  ءَ  دل  یکیمی  ءِ درشان   کنوکیں توامیں   ھمبراہ داریں  گل آنی سروک  آصف  علی زرداری  بلاول  بھٹو زرداری،  ڈاکٹر  خالد  مقبول  صدیقی ، چوہدری  شجاعت  حسین ، چوہدری سالک  حسین،  عبدالعلیم خان ،  سردار خالد مگسی،  ءُ توامیں   باسک آنی شگر ءُ منت واری  گپت۔