اسلام آباد۔3مارچ (اے پی پی):پاکستان مسلم لیگ (ن) ءُ ھمبراہ داریں گل آنی امیت وار محمد شہبا ز شریف 201 ووٹ گران ءَ ایوان ءِ سروک مزن وزیر اسلامی جمہوریہ پاکستان گچین بوتگ۔ یک شمبے ءِ روچ ءَ راجی اسمبلی ءِ سپیکر سردار ایاز صادق ءِ سروکی دیوان ءَ ڈویژن ءِ بنیات ءَ مزن وزیر ءِ گچین کاری کنگ بوت۔ ممبر آناں دو ڈویژن ءَ بھر کنگ بوت۔ ایشی ءَ پد ووٹ آنی ھساب ءَ چہ پد باسک آناں واپس ایوان ءَ گوانک جنگ بوت ایشی ءَ چہ پد نتجگ ءِ جار جنگ بوت۔ مسلم لیگ ن ءُ ھمبراہ داریں گل آں امیت وار شہباز شریف ءَ را 201 ووٹ وھدیکہ سنی اتحاد کونسل ءِ امیت وار عمر ایوب خان ءَ 92 ووٹ در جتگ۔ بلوچستان نیشنل پارٹی ءِ سروک اختر مینگل ءَ ووٹنگ ءَ بھر زوری نہ کت۔
