اسلام آباد۔2مارچ (اے پی پی):سپیکر راجی اسمبلی سر دار ایاز صادق ءَ سر فراز بگٹی ء را سر وزیر بلوچستان گچین بوھگ ءِ پد ءَ مبارک بات دیان ءَ گوشتگ کہ سرفراز بگٹی ءَ را بطور سر وزیر بلوچستان گچین بوھگ ءِ پد ءَ بلوچستان اسمبلی ءِ باسک آں دل یکیمی ءِ درشان کتگ۔ ادا جاڑی بوتگیں بیان ءِ پد ءَ اسپیکر راجی اسمبلی ءَ گوشتگ کہ سرفراز بگٹی یک جوانیں ءُ لائکیں سیاسی رھشون ات۔ سرفراز بگٹی ءِ سروکی ءَ بلوچستان حکومت صوبہ بلوچستان ءَ را دیمروئی ءُ وشھالی ءِ کشک ءَ رھادگ کنگ۔ سپیکر راجی اسمبلی ءَ نوک گچین بوتگیں سر وزیر بلوچستان سرفراز بگٹی ءِ کامیاتی ءِ واستہ نیکیں واھشت آنی درشان کت۔
