لاہور۔ 01 مارچ (اے پی پی) لاہور ہائیکورٹ تحریک انصاف نا مسکوہی راہشونک جمشید چیمہ و اونا اُرائی مسرت چیمہ نا برخلاف مقدمہ غاتا سرجم آتا فراوانی نا درخواست آ پولیس رپورٹ ءِ مسترد کرسا سرجم رپورٹ پیش کننگ نا پرمان کرے۔ لاہور ہائیکورٹ نا جسٹس شہرام سرور چوہدری جمشید چیمہ نا مسڑ شازمہ چیمہ نا درخواست آ سماعت کرے۔ سماعت اٹی عدالتی پرمان آ پولیس نا کنڈآن رپورٹ جمع کرفنگا ہراٹی پاننگانے کہ ہفت مقدمہ لاہور، 4 فیصل آباد، 11 راولپنڈی و اسہ مقدمہ اٹک اٹی نوشتہ ءِ ، درخواست گزار نا وکیل آصف شہزاد پارے کہ گڑتی ءِ پولیس داسہ ہم سہی سرجم آتے فراوان کپننگ ءِ، پولیس ءِ سرجم و سہی سرجم آتے فراوان کننگ نا پرمان کننگے۔ عدالت پولیس رپورٹ ءِ مسترد کرسا دُوارہ سرجم رپورٹ پیش کننگ نا پرمان کرسا سماعت ءِ 8 مار چ اسکان پدبٹے۔
