اسلام آباد۔ 01 مارچ (اے پی پی) الیکشن کمیشن صدارتی گچین کاری تا شیڈول ءِ جاری کرے، پولنگ 9 مارچ آمریک۔ جمعہ نادے آ الیکشن کمیشن نا کنڈآن جاری شیڈول نا رداٹ اومیتدار آتا کنڈآن پنداری کاغد آتے 2 مارچ نیم روچ نا 12 بجہ اسکان جمع کرفنگ مریک۔ ریٹرننگ آفیسر آتا کنڈآن اوفتا جانچ پڑتال 4 مارچ آ 10 بجہ غا مریک۔ اومیتدار آتا کنڈآن پنداری کاغد آتے 5 مارچ آ 12 بجہ اسکان پدی ہلنگ مریک۔ ہندا دے اومیتدار آتا گڈیکو فہرست ءِ جاری کننگک۔ اومیتدار 6 مارچ آ ریٹائرمننگ کیک۔ پولنگ 9 مارچ آ 10 بجہ غا بیگہ نا 4 بجہ اسکان مریک۔ داڑکن پنچ پولنگ اسٹیشن جوڑ کرینے۔ ہرچار آ صوبائی اسمبلی تا ماڑی تیٹی جوڑ پولنگ اسٹیشن تیا صوبائی اسمبلی تا باسک آک حق رائے دہی ءِ کاریم اٹ اتیرہ۔ قومی اسمبلی و سینیٹ نا باسک آتیکن پارلیمنٹ ہاؤس بطور پولنگ اسٹیشن استعمال مریک۔
