اسلام آباد۔29فروری (اے پی پی): راجی اسمبلی ءِ اسپیکر ءُ ڈپٹی اسپکر ءِ اگدہ آنی واستہ جتا جتائیں گل آں گوں سیادی داروکیں امیت وار آں وتی نامینگی کاگد آناں سیکرٹری راجی اسمبلی ءِ کرا جم کنائینتگ انت۔ پنچ شمبے ءِ روچ ءَ راجی اسمبلی ءِ دیوان ءِ بنگیج ءَ اسپیکر راجی اسمبلی راجہ پرویز اشرف ءَ باسک آں چہ سوگند گرگ ءَ چہ پد جار جت کہ درستاں چہ پیسر راجی اسمبلی ءِ رول آف ممبرز آ امیت وار دست چنگل جناں ھماواں اسپیکر ءُ پٹی اسپیکر ءِ واستہ نامینگی کاگد جم کنائینگ ءَ اَنت۔ مسلم ن ءِ سردار ایاز صادق ءَ سپیکر ، پاکستان پیپلز پارٹی ءِ سید غلام مصطفیٰ شاہ ءَ ڈپٹی اسپیکر، سنی اتحاد کونسل ءِ ملک عامر ڈوگر ءَ اسپیکر ءُ جنید اکبر ءَ ڈپٹی اسپیکر ءِ اگدہ ءِ واستہ وتی نامینگی کاگد سیکرٹری راجی اسمبلی ءِ کرا ایوان ءَ جم کنائینت آں۔ نامینگی کاگد آنی وھد ءُ پاس ھلاس بوھگ ءُ ایشانی پٹ ءُ پول ءَ چہ پد اسمبلی سیکرٹریٹ امیت وار آنی پکوئیں لڑ جاڑی کنت اِنت۔ نوکیں اسپیکر ءُ ڈپٹی اسپیکر ءِ الیکشن باندات آدینگ ءِ روچ ءَ بیت۔
