کوئٹہ۔ 29 فروری (اے پی پی):گورنر بلوچستان ملک عبدالولی خان کاکڑ ءَ گوادر ، جیونی ءُ تربت ءَ استیں ھور ءُ گوات آنی نتیجگ ءَ بوھوکیں تاوان آنی پد ءَ اپسوزی ءِ درشان کنان ءَ گوشتگ کہ توامیں سیادی داروکیں ادارگ آنی نیمگ ءَ آماچیں دمگ آنی تہءَ کمکی کاروائی جاڑی انت، کمکی کاروائی آناں ترند کنگ ءُ آماچیں مردم آناں زوتاں چہ زوت رکھینگ ءُ ریلیف پجاری کنگ ءِ پنت ءُ شون کنگ بوتگ۔ گورنر بلوچستان ءَ پی ڈی ایم اے ءَ چہ جاڑی بوتگیں کمکی کاروائی آنی سرجمیں رپوٹ گوانک جتگ۔ آئی ءَ گوشت کہ صوبگ ءَ استیں ھور ءُ ھار آں چہ بوتگیں تاوان ، آماچیں مردم آنی آسودگی ءُ کمکی چست ءُ ایر آنی ھوالگ ءَ سیادی داروکیں ادارگ آنی سروک آنی گوما رابطہ ءَ بہ بنت۔ انوگیں صوبائی حکومت توان آنی گیش ءُ گیواری ءِ واستہ گامگیج ءُ کمک کنگ ءَ انت ایشانی تہءَ مزنیں کمک ءِ بنجاھی حکومت پجاری کنگ ءَ انت۔ گورنر بلوچستان ءَ گوشت کہ کجام ھم نہ وشیں جاور آنی گوما گر ءُ چیل بوھگ زندمانیں راج آنی درور ءُ چیدگ اِنت۔
