اسلام آباد۔29فروری (اے پی پی):ملک ءِ آیوکیں مزن وزیر گچین بوھگ ءِ شیڈول جاڑی کنگ بوتگ ایشی ءِ رد ءَ مزن وزیر ءِ گچین نوں یک شمبے ءِ ڑوچ ءَ 3 مارچ ءَ بیت۔ راجی اسمبلی سیکرٹریٹ ءِ رد ءَ مزن وزیر ءِ اگدہ ءِ واستہ نامینگی کاگد شمبے ءِ روچ ءَ 2 مارچ 2024 ءَ نیم روچ 2 بج جم کنائینگ بوت کناں۔ نامینگی کاگد راجی اسمبلی ءِ کانود سازی ءِ شوبگ ءَ چہ در جنگ بوت کن اَنت۔ نامینگی کاگد آنی پٹ ءُ پول ھمے روچ 3 بج ءَ تاں بوت کن اَنت۔ مزن وزیر ءِ گچین کاری اوپن ڈویژن ءِ وسیلگ ءَ بیت۔
