غٹ جماعت آک ملک ءِ زرگزرانی و سیاسی تنکی آن کشنگ اٹ تینا کڑد ءِ ادا کیر، احسن اقبال

اسلام آباد۔ 29 فروری (اے پی پی) مسلم لیگ (ن) نا پوسکن گچین مروک آ باسک قومی اسمبلی احسن اقبال پارینے کہ غٹ جماعت آتا زمواری ءِ کہ او ملک ءِ زرگزرانی و سیاسی تنکی آن کشنگ اٹ تینا کڑد ءِ ادا کیر۔ پنچ شنبے نادے آ پارلیمنٹ ہاؤس اٹی میڈیا تون گپ وتران کرسا کرے۔ اوپارے کہ اسہ پارٹی اس ملک ءِ تنکی تیان کشنگ کپک۔ غٹ سیاسی جماعت آک تینا تینا جاگہ غا اوٹی کڑد ادا کننگ کیرہ۔ اوپارے کہ غٹ جماعت آک متحد مرسا میثاق معیشت آ بایدے ہیت کیر۔ اوپارے کہ مسلم لیگ (ن) ملک اٹی شونداری کاریم تاہمورفتار اٹ دُوارہ بناءِ کیک ہرارفتار اٹ نن 2013 آن 2018 ٹی اِلاسن۔ اوپارے کہ ننے دا فیصلہ ءِ ہم کروئی ءِ کہ ننے ملک ءِ برآمد آتا کمک اٹ تنکی تیان کشوئی ءِ  یا وام تیان۔ اوپارے کہ غٹ اسٹیک  ہولڈرآک دا غٹ آپشن تیا بایدے ہیت کیر۔