کوئٹہ۔ 29 فروری (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ بھارت پاکستان نا برخلاف اسے وڑاسے نا ہم جارحیت آن باز بفک بھارتی حکمران تا اولیت مریک کہ وڑانا وڑاسے ٹی او تینا الس نا است آتیٹی پاکستان نا بابت خار ودی کرسا وونٹ ہلیر پاکستان دشمنی اوفتا قومی پالیسی نا بنداوی بشخ ءِ پاکستان اٹی دہشت گردی کروئی مرے اونا سیم تیا بلاجواز اشتعال انگیزی کروئی مرے، پاکستان اٹ جاسوسی کروئی مرے یا جہانی کہول آ پاکستان نا برخلاف لابنگ کروئی مرے بھارت اودے تینا اولیت تکک۔ داڑے جاری مروک اسہ بیان سے ٹی سینیٹر محمد عبدالقادر پارے کہ تدوک آ دے پاک فوج لائن آف کنٹرول آ بھارتی فوج انا اسہ پین جاسوس کوارڈ کاپٹر اسے خلکنے بٹینے بھارتی فوج انا دا کوارڈ کاپٹر کنٹرول لائن آ جاسوسی کریکہ ہرادے پاک فوج خلک بٹے تدوک آ دے تیٹی پاک فوج ءِ بھارتی فضائیہ نا داکوارڈ کاپٹر ناباقیات پاکستان نا سیم انا تہہ غان ملانو دا بھارتی کوارڈ کاپٹر آ بھارتی فضائیہ نا اسہ یونٹ اسے نا نشان ہم ارے 27 فروری 2019 آ پاک فضائیہ پاکستانی فضائی دنگ انا خلاف ورزی کروک آ بھارتی جنگی جہاز آتے ہم آپریشن سوفٹ ریٹارٹ اٹی خلکوسس بٹیسس۔ اوپارے کہ پاکستان نا فوج تینا جغرافیائی سیم تا سالمیت ءِ پک کننگ کن دے ونن تیار سلوک ءِ ہراتم ہم پاکستان نا سیم انا ایپار آن جلہو مس پاکستان نا فوج دشمن ءِ پبی ورندی تسنے پاکستان نا فوج دنیا نا گچین فوج آتیٹی شمار مریک بھارت ءِ پاکستان نا برخلاف جارحیت و جاسوسی نا ارتکاب کرسا مدام بوز اٹ کنوئی تما 2019 اٹی پاکستان نا دنگ اٹ بھارتی جہاز آتے خلنگ و بِٹنگ نا ہیت مرے یا بلوچستان آن بھارتی جاسوس کلبھوشن یادیو نا دزگیر ی مرے پاکستان ءِ مدام سرسہبی دوئی مس و بھارت ءِ جہانی کہول آ سبکی تون مون تروئی تما۔ چیئرمین قائمہ کمیٹی پارے کہ پاکستان بھارت نا ناپاک عزم آن اسُل غافل اف پاکستان نا فوج انا برخلاف بھارتی تا غٹ چم آتے بے سہب کننگک بھارت نا سرپرستی ٹی مچ آپاکستان اٹی مروک آ دہشت گردی نا پداٹ بھارت ءِ حکومت پاکستان ءِ مرے کہ او خلوک آ بھارتی جاسوس کوارڈ کاپٹر نا بابت جہانی برادری ءِ پت اٹ ہلسا حقیقت آن معلومدار کے اقوام متحدہ ٹی پاکستان نا برخلاف بھارتی تا عزم آتے آشکار کننگے تانکہ دنیا نا مون آ بھارت نا مکروہ چہرہ بے نقاب مرے۔
