کوئٹہ۔ 29 فروری (اے پی پی)پاکستان پیپلزپارٹی بلوچستان سینئر نائب صدر انجینئر ہادی عسکری وزیراعلیٰ سندھ مراد علی شاہ ءِ وزرات اعلیٰ نا سوغند ہرفنگ و پاکستان پیپلزپارٹی نا راہشون غزالہ گولہ ءِ بے مقابلہ غان بلوچستان اسمبلی نا ڈپٹی اسپیکر گچین مننگ و پارٹی نا صوبائی اسمبلی نا باسک آتے سوغند ہرفنگ آ مبارکبادی ترساپارینے کہ پاکستان پیپلزپارٹی ءِ لس گچین کاری تیٹی الس بھلو مینڈیٹ اس تسنے انشاء اللہ پارٹی الس نا پت آ پورو سلنگ نا پبی کوشست کیک۔ داڑے جاری مروک اسہ بیان اسے ٹی انجینئر ہادی عسکری پارے کہ 8 فروری آمروک آ لس گچین کاری تیٹی الس بلوچستان، سندھ و ایلو صوبہ غاتیٹی پاکستان پیپلزپارٹی نا اومیتدار آتے وونٹ ترسا سرسہبی آن ہمکنار کرے انشاء اللہ پاکستان پیپلزپارٹی الس ءِمایوس کپک و اوفتا ویل آتا ایسر کننگ کن ہر فورم آ توار بڑز کیک۔ اوسید مراد علی شاہ ءِ وزیراعلیٰ سندھ گچین مننگ آ مبارکبادی ترسا پارینے کہ داکان مست ہم اوتینا وزارت اعلیٰ ٹی سندھ انا الس نا بے رنگ و نسل خذمت ءِ کرے و داسہ ہم الس نا خذمت ءِ پک کیک۔ اوپاکستان پیپلزپارٹی نا راہشون گودی غزالہ گولہ ءِ بلوچستان اسمبلی نا بے مقابلہ غان ڈپٹی اسپیکر گچین مننگ و پارٹی نا باسک آتے اسمبلی نا سوغند ہرفنگ آ مبارکبادی ترسا پارینے کہ پاکستان پیپلزپارٹی نا بلوچستان اسمبلی نا باسک آتا الس ءِ مون تروک ویل آتا ایسرواوفتے بنداوی آسراتی تا فراوانی ءِ پک کیک۔
