پی کے 29 شانگلہ ٹوآن گچین مروک باسک خیبرپختونخوا اسمبلی عبدالمنعم خان و  پی کے 41 تورغرآن سرسہب باسک لائق محمد خان سوغند ہرفیر

پشاور۔ 29 فروری (اے پی پی) پی کے 29 شانگلہ ٹو آن پوسکن گچین مروک آ باسک خیبرپختونخوا اسمبلی عبدالمنعم  خان و پی کے 41 تورغر آن سرسہب باسک لائق محمد خان اسمبلی رکنیت نا سوغند ہرفیر۔ پنچ شنبے نادے آ  صوبائی اسمبلی نا دیوان اسپیکر مشتاق احمد غنی نا کماشی ٹی اڈ ہلک۔ تلاوت کلام پاک آن پد اسپیکر سوغند ہلک۔ یات سلے کہ تدوک آ دے 116 اسمبلی نا باسک عہدہ غاتا سوغند ہرفیسر ولے عبدالمنعم خان ولائق محمد خان نا سرسہبی نا نوٹیفکیشن جاری مفننگ نا سوب آن سوغند ہرفنگ کتویسر۔