راولپنڈی۔ 29 فروری (اے پی پی) اے این ایف منشیات اسمگلنگ نابرخلاف برجاکریک ڈاؤن اٹی 5 کارروائی تیٹی 81 کلوگرام منشیات دوئی کرسا 3 دوبہ دار ءِ دزگیرکرے۔ ترجمان پارے کہ جی پی او ملتان اٹی برطانیہ غان گدریفوک آ پارسل آن 35 گرام ویڈ دوئی کننگا۔ سبی روڈ کوئٹہ نا خڑک آن 175 کلوگرام کوسٹل ہیرون دوئی کننگا۔ حسن آباد اٹک نا خڑک دوبہ دار آن 3 کلوگرام چرس دوئی کننگا۔ دے ٹکی بائی پاس کوئٹہ ٹی دوبہ دارآن 2 کلوگرام ہیرون دوئی کننگا۔ لکپاس ٹول پلازہ مستونگ نا خڑک دوبہ دار اسے آن 1 کلوگرام آئس دوئی کننگا۔ ترجمان نا رداٹ دزگیر دوبہ دار آتا برخلاف انسدادِ منشیات تور ایکٹ نا رداٹ مقدمہ درج کرسا جاست وپاست نا بناءِ کننگانے۔
