اسلام آباد۔ 29 فروری (اے پی پی) پیپلزپارٹی نا پوسکن گچین مروک آ قومی اسمبلی نا باسک ناز بلوچ پارینے کہ ملک ءِ جمہوریت نا گرج ءِ و غٹ سیاسی جماعت آک داڑکن بایدے کڑد ادا کیر۔ پنچ شنبے نادے آ پارلیمنٹ ہاؤس اٹی میڈیا تون گپ وتران کرسا اوپارے کہ ملک ءِ جمہوریت نا گرج ءِ انتقام نا گرج اف۔ داملک ءِ مون آ دروئی ءِ۔ اوپارے کہ مون آ ہِننگ کن غٹ سیاست دانک تینا کڑد ءِ ادا کیر۔ پاکستان انتقام نا سیاست اٹ بھلو نسخان اس ہرفے۔ تہذیب و تمدن نا دنگ اٹ رہینگسا ننے دا پارلیمنٹ نا تقدس ءِ بحال کروئی ءِ و ملک ءِ مون آ دروئی ءِ۔ اوپارے کہ پیپلزپارٹی پارلیمنٹرین جمہوریت نا بقاکن بھلو قربانی اس تسنے۔
