اسلام آباد۔ 29 فروری (اے پی پی) اومیت ءِ قومی اسمبلی ٹی سوغندی دود آن پد ملک سیاسی سوگوی نا کنڈآ کاہک، حکومت سازی نا عمل بناکننگ آن ملک اٹی زرکارآتا پت بحال مریک ۔ داخیال آتا درشانی ءِ چیمبرآف کامرس نا صدر احسن ظفر بختاوری قومی اسمبلی ٹی سوغند ہرفنگ آ پوسکن گچین مروک آ باسک آتے مبارکبادی ترسا پنچ شنبےنادے آ تینا اسہ بیان اسے ٹی کرے۔ اوپارے کہ غٹ سیاسی جماعت آک سیاسی و زرگزرانی سوگوی کن چارٹرآف اکانومی کیر، زرگزران ءِ پائیدار شونداری نا کنڈآ دننگ پوسکن آ حکومت نا بایدے اولیت مرے۔ اوپارے کہ زرگزرانی سوگوی کن پالیسی تا تسلسل و آئی ایم ایف آن پوسکن آ بیل آؤٹ پیکج درکار مریک۔ پیشن نا زرکاری و برآمد آتیٹی ودکی آن زرگزران نا پائیدار بنداوتیا بحالی ممکن ءِ۔ وطن عزیز ءِ زرگزرانی تنکی آن کشنگ ن بزنس کمیونٹی تون اوار غٹ تپہ غاتون سلابت کننگ المی ءِ، زرگزرانی سوگوی کن غٹ تر اختلاف آتے اسہ کنڈآ تخسا کوشست کروئی مریک۔ اوپارے کہ بزنس کمیونٹی زرگزرانی بحالی کن چست کروک آ گام گیج آتیا حکومت نا مخ تفی ءِ کیک۔
