راولپنڈی۔ 28 فروری (اے پی پی) اینٹی نارکوٹکس فورس منشیات اسمگلنگ نا برخلاف 9 کارروائی تیٹی 31 کلوگرام منشیات دوئی کرسا 12 دوبہ داردزگیر کرے۔ اے این ایف ترجمان نا رداٹ پشاور ایئرپورٹ آ دوحہ غا ہنوک آمسافر آن 900 گرام آئس دوئی کننگا۔ لاہور بالی پٹ آ قطر آ ہنوک آ اِرا مسافرآتیان 580 گرام آئس دوئی کننگا۔ راولپنڈی ٹی واقع کوریئر آفس اٹی نیدرلینڈ و برطانیہ غان گدریفوک آ 3 جتا پارسل آتیان 58 گرام ویڈ و 70 ایم ڈی اے دوئی کننگا۔ شیرشاہ ٹول پلازہ ملتان نا خڑک اِرا دوبہ دارآتیان 6 کلوگرام چرس و 4 کلوگرام آئس دوئی کننگا۔ بحریہ ٹاؤن لاہور اٹی دوبہ دار آن 4 کلوگرام افیم، 3.7 کلوگرام چرس و 1 کلوگرام آئس دوئی کننگا۔ ایئرپورٹ چوک کوئٹہ غا 3 دوبہ دارآتیان 6 کلوگرام چرس دوئی کننگا۔ لیل قصور چیک پوسٹ نا خڑک 3 دوبہ دارآتیان 5 کلوگرام ہیرون دوئی کننگا۔ ترجمان پارے کہ دزگیر دوبہ دار آتا برخلاف منشیات تور ایکٹ نا رداٹ مقدمہ نوشتہ کرسا جاست وپاست نا بناءِ کننگانے۔
