اسلام آباد۔ 28 فروری (اے پی پی) الیکشن کمیشن قومی اسمبلی نا حلقہ این اے 15 مانسہرہ ٹی 125 پولنگ اسٹیشن تا فارم 45 موصول مفننگ نا بابت اومیتدار محمد نواز شریف نا درخواست ءِ مسترد کرسا اودے الیکشن ٹریبونل تون رابطہ کننگ نا پارت کرینے۔ چارشنبے نادے آنثار احمد درانی و بابر حسین بھروانہ غا تالان اِرا باسکی بنچ نا کنڈآن جاری کروک نوشتہی فیصلہ  ٹی گوندانو کہ غٹ ریکارڈ نا سرجم سوب آتا جاچ آن پد اومیتدار محمد نواز شریف نا درخواست ءِ مسترد کننگک وخت اس کہ او تینا تعلقدار الیکشن ٹریبونل تون رابطہ کننگ کیک۔ کمیشن تعلقدار ریٹرننگ آفیسر ءِ پارینے کہ او سرسہب اومیتدار نا مسہ دے انا تہہ ٹی گڈیکو نتیجہ پورو کے۔

متعلقہ مضامینمصنف کی طرف سے مزید