پیرس۔ 28 فروری(اے پی پی) فرانس اٹی پاکستان نا سفیر عاصم افتخار احمد پیرس اٹی برجافرانس انٹرنیشنل ایگریکلچر شواٹی بشخ ہلک ہرانا 60 می ایڈیشن برجاءِ۔ پیرس اٹی پاکستانی سفارت خانہ نا ٹویٹ نا رداٹ سفیر کشت وکشار و لائیو اسٹاک نا چندی کسبی بندغ آتون گپ وتران کرے و پاکستان نا بنجائی وزارت نیشنل فوڈ سیکورٹی اینڈ ریسرچ نا ڈل اتون اوڑدہی کرے ہرانا مسخت کشاری بشخ، لائیو اسٹاک نا پیدوار، پٹ وپول و خصوصی ہیلکاری پروگرام تیٹی کمکاری ءِ مون آ دننگ کن متنوع رابطہ ودی کننگ ئس۔ داڑے دا ہیت ذکر انا قابل ءِ کہ تدوک آ نصف صدی آن زیات وخت آن پیرس انٹرنیشنل ایگریکلچر شونئے بیرہ فرانس بلکن مچ آ دنیا ٹی اسہ اہم ءُ کشاری دود اس تکنگک۔ دا شو فرانس و اونا چندی علاقہ غاتون اوار ایلو دنیاغان کشاری مصنوعات و خذمت، لائیو اسٹاک نا پیدوار و اونا بابت بشخ، فصل و نیال آتا بشخ ، باغبانی و سوزی تا دسنگ نا بشخ آتا خاص بست وبند کیک۔ پیر س انٹرنیشنل ایگریکلچر شو 24 فروری آن 3 مارچ 2024 اسکان پیرس ایکسپو پورٹ ڈی ورسیلز اٹی اڈہلنگ ءِ۔
