بیجنگ۔ 28 فروری (اے پی پی) چین اٹی پاکستان نا سفیر خلیل ہاشمی تون چین نا حکمران جماعت چینی کمیونسٹ پارٹی (سی پی سی) نا مرکزی کمیٹی نا جہانی بشخ انا وزیر لیوجیان چاواوڑدہی کرے۔ داوخت آ لیوجیان چاو پارے کہ ہڑتوم آ ملک آتا راہشون تا راہشونی ٹی چین پاکستان تعلقداری ساڑی آ سال تیٹی بڑزکو کہول انا شونداری نا رفتار ءِ برقرارتخانے۔ اوپارے کہ چین ہڑتوم آ ملک آتا راہشون تا نیام اٹ طے مروک آ اہم امنائی سلاہ ءِ علی دروشم اس تننگ، چین پاکستان کمکاری نا بروک آ ریسہ نا ڈٹ بندی ءِ کننگ، چین پاکستان اقتصادی راہداری (سی پیک) نا بڑزکو آب انا شونداری ناکمک اٹ پاکستان نا اقتصادی اصلاحات و شونداری ٹی کمک کننگک ، ہڑتوم آملک آتا نیام اٹ دودوربیدہ ئی ہن و برءِ سوگو کننگ، سیاسی جماعت، پارلیمان، علاقہ، تھنک ٹینکس، میڈیا ، ورنا و ایلو بشخ آتیٹی ہن وبرءِ مون آ دننگ کن پاکستان تون اواری اٹ کاریم کننگ کن تیار ءِ۔ اوپارےکہ چین پاکستان روایتی سنگتی جہانی و علاقائی امور اٹی ہم آہنگی و کمکاری ءِ سوگو کیک و اسیجائی وڑاٹ علاقائی و جہانی امن و شونداری ءِ مون آدیک۔ داوخت آ پاکستانی سفیر خلیل ہاشمی پارے کہ پاک چین تعلقداری ءِ ریاست آن ریاستی تعلقداری نا وڑگوندنگ مریک۔ اوپارے کہ پاکستان چین اتون پاک چین اقتصادی راہداری (سی پیک) نا تفنگ ءِ پورو وڑاٹ مون آ دننگ کن تیار ءِ و چین نا بنداوی م فائدہ غاتا بابت باندات آتیا چین نا موقف نا مدام سوگو مخ تفی ءِ کیک۔ اومستی پارے کہ پاکستان اسہ سنگت ملک اسے ہراڑآ چین مدام بھروسہ کننگ کیک۔ پاکستانی سفیر پارے کہ پاکستان چین نا نمان شونداری سرسہبی تا ستاءِ کیک و دنیا ءِ السی مصنوعات کون آ بیلٹ اینڈ روڈ انیشی ایٹیو و 3 بھلا جہانی گام گیج فراوان کننگ نا وارخواہی شیئرکیک۔ پاکستان نا زرگزرانی و راجی شونداری ءِ داڑآن فائدہ مسنے۔ اوپارے کہ پاکستان جہانی و علاقائی امن و سوگوی ءِ برقرار تخنگ کن چین اتون اواری اٹ کاریم کننگ کن تیار ءِ ۔ داوخت آ سی پی سی نا مرکزی کمیٹی نا جہانی بشخ انا نائب وزیر سن ہیان ہم بشخ ہلک۔
