اسلام آباد۔ 28 فروری (اے پی پی) نگران بنجائی وزیر حوالکاری ، شینکاری و پارلیمانی امور مرتضیٰ سولنگی پوسکن گچین مروک آ اسمبلی نا بنائی دیوان نا بست وبند آتا جاچ ءِ ہلنگ کن چارشنبے نادے آ قومی اسمبلی سیکرٹریٹ و قومی اسمبلی ہال انا دورہ ءِ کرے۔ قومی اسمبلی سیکرٹریٹ نا کمامدارآک نگران بنجائی وزیر ءِ قومی اسمبلی نا بنائی دیوان نا بست وبند آتا بارواٹی حوال تسر۔ ڈی جی میڈیا بنجائی وزیر ءِ پارے کہ پوسکن گچین مروک آ قومی اسمبلی نا باسک آتا آسراتی کن قومی اسمبلی سیکرٹریٹ نا کنڈآن خصوصی بست وبند کننگانے۔ او اسمبلی نا باسک آتا رجسٹریشن، اوفتے کن المی دستاویز آتا تیاری و قومی اسمبلی نا المی قاعدہ و ضابطہ غان ہم معلومدار کرے۔ اوپارے کہ پوسکن گچین مروک آ باسک آتیکن اسمبلی ہال اٹی نشست آتا خصوصی بست وبند ءِ ہم کننگانے۔ بنجائی وزیر پوسکن گچین مروک اسمبلی نا باسک آتا آسراتی کن پارلیمنٹ ہاؤس اٹی جوڑ فیسلی ٹیشن سینٹر ناہم دورہ ءِ کرے و ہموڑے ساڑی عملہ تون اوڑدہی کرے۔ داوخت آ بنجائی وزیر ءِ فیسلی ٹیشن سینٹر نا امور و پوسکن گچین مروک آ اسمبلی نا باسک آتے تروک آ آسراتی تا بابت حوال ہم تننگا۔
