کوئٹہ۔ 27 فروری (اے پی پی):گورنر بلوچستان ملک عبدالولی خان کاکڑ ءَ گوشتگ کہ ورنا کجام ھم چاگرد ءِ گران بھائیں سرمایہ انت۔ ایشاناں نوکیں زمانگ ءِ وانگ ءُ زانگ ءِ ھیل کاری دیگ ءِ گوما آوانی ازمکاری آنی گوما گیشی ءِ واستہ آسراتی پجاری کنگ ءِ ضلورت انت۔ بلوچستان ءِ ورنا ازمکار ءُ شاہوکار ا نت بلے موہ آنی کمی ءِ سبب ءَ آ پشت کپتگ انت ، اے ھیالانی درشانی آئی ءَ ہائر ایجوکیشن کمیشن آف پاکستان ءِ چیر دستی ءَ بلوچستان پبلک سیکٹر یونیورسٹی ءِ واستہ “پاکستان ڈیبیٹنگ چیمپئن شپ 2023/24” ءِ بن گپ ءَ برجم داشتگیں مراگش ءَ گوں گشتانک دیان ءَ کت۔ اے موہ ءَ بیوٹمز یونیورسٹی ءِ وائس چانسلر پروفیسر ڈاکٹر خالد حفیظ ، دائریکٹر جنرل ہائر ایجوکیشن ڈاکٹر ظہور بازئی ءُ زندمان ءِ جتا جتائیں شوبگ آں گوں سیادی داروکیں مردم ھم ساڑی اتنت۔ آئی ءَ گوشت کہ وانگ ءُ زانگی ادارگ آنی تہ ءَ نودربر آناں دماگی ءُ جسمانی ردوم ءِ واستہ ما ھیل کاری دیگ ءِ سک باز ضلورت انت۔ آئی ءَ گوشت کہ سٹوڈنٹس ءَ گوں گوشت کہ آ وش نویسی ، اکس کشی، گشندہ، ءُ ایندگر وانگ ءُ نشبتہ آناں ھمک روچی زندمان ءِ بھر جوڑ بکن اَنت۔ گورنر بلوچستان ءَ گوشتگ کہ اے گپ وشیں گپ ات کہ پاکستان ءِ کلی آباتی ءِ ٹوھیں بھر ءِ ورنا آنی انت ایشانی ازمکاری آں چہ سیت چست کنگی انت ، ایشاناں روزگار ءِ موہ پجاری کنگ ءُ آوانی آیوکیں باندات ءَ را مھکم جوڑ کنگ ھم سک باز المی انت، گڈ ءَ گورنر ءَ پاکستان ڈیبیٹنگ چیمپئن شپ ءِ بست ءُ بند کنوک ءُ شریکیں مردم آناں شیلڈز ءُ سند بھر ءُ بانگ کت۔
