اسلام آباد۔ 27 فروری (اے پی پی) ٹریڈ ڈویلپمنٹ اتھارٹی پاکستان (ٹی ڈی اے پی) پارینے کہ ازبکستان اٹی اڈ ہلوک جہانی نمائش’’پاکستان سنگل کنٹری ایگزبیشن‘‘ اٹی بشخ ہلنگ کن پنچ شنبے اسکان درخواست آتے جمع کرفنگ مریک۔ ٹی ڈی اے پی نا رداٹ 3 دے ئی جہانی نمائش ازبکستان نا شار تاشقند اٹی 28 آن 30 جون 2024 اسکان اڈ ہلیک ہراٹی توال، سوتی دسک، اون تیار لویس، سپورٹس ویئر، ہوم ٹیکسٹائل ، پراسیسڈ فوڈ، بیکری آئٹم، میوہ غاتاجوس، سُو، دلیہ ، برنج، میوہ، سوزی، فارماسوٹیکل، گوازی تا گڑا، سرجیکل ازباب، پنکھا، سرمٹ، شیشہ، کیمیکل، پینٹ، موبائل فون، پرسنل کیئرپراڈکٹس، آٹوپارٹس، تعمیراتی گڑا، آئی ٹی، بینک انشورنس کمپنی، ٹرانسپورٹ و لاجسٹک تون وابستہ بندغ و دارہ تینا گڑاتا جہانی ہلوک آتا مون آ پیش کننگ تون اوار اوار تینا کاروباری باندات آتے طے کننگ کیرہ۔ نمائش نا بابت مستی سرجم آتے اتھارٹی نا ویب سائٹ آن دوئی کننگ مریک۔
