کوئٹہ۔ 27 فروری (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ بھارت شاہ پور ڈیم ءِ تفسا پاکستان آ بروک آ دِیر ءِ تورینے، شاہ پور ڈیم آن بھارت تینا 32 ہزار ایکڑ ڈغار ءِ سیراب کیک دا ڈیم بھارت پاکستان نا ڈغارتے بنجر کننگ کن پنجاب و مقبوضہ کشمیر نا سیم آ تفینے شاہ پور کنڈی بیراج نا تفنگ آن دریائے راوی پورو وڑاٹ خشک مریک۔ داڑے جاری مروک اسہ بیان اسے ٹی سینیٹر محمد عبدالقادر پارے کہ دا ڈیم انا تفنگ آن مقبوضہ کشمیر نا علاقہ ءِ 1150 کیوسک دِیر فراوان کننگک دا دیر پاکستان کن جتا کننگاسس بھارت دادیر ءِ کتھواو سامبا ضلع غاتا 32 ہزار ایکڑ ڈغار ءِ سیراب کیک دا ڈیم انا تفنگ آن بھارتی گل زمین شاداب وخت اس کہ پاکستان نا علاقہ غاک پین بنجر مریرہ بھارت و پاکستان اٹی 1960 اٹی سندھ طاس معاہدہ غا دستخط کننگاسس دریائے سندھ ، جہلم و چناب آ پاکستان نا کنٹرول ءِ وخت اس کہ دریائے راوی ، ستلج و بیاس آ بھارت نا پورو کنٹرول ءِ۔ اوپارےکہ دا ڈیم انا تفنگ آن متکن آ لکھن پور ڈیم آن پاکستان نا کنڈآ وہوک آ دیر ءِ مقبوضہ کشمیر و بھارتی پنجاب نا ڈغار تے سیراب کننگک شاہ پور ڈیم انا بنداو ءِ 1995 ٹی دا وخت انا وزیراعظم نرسیہما راؤ تخاسس، دا ڈیم بناآن چندی وڑنا جھیڑہ غاتا گواچی مسنے ہراٹی مقبوضہ کشمیر و پنجاب نا حکومت آتا جھیڑہ ہم اوار ءِ ہندا جھیڑہ غاتا سوب آن دا ڈیم انا تفنگ آ چار ءُ نیم سال کاریم مننگ کتنے بھارت مہالو آن دریائے ستلج آ بھاکڑاڈیم، بیاس آ پولنگ و پنڈاوا ڈیم و دریائے راوی آ تھین رنجیت ساگر ڈیم تفینے۔ چیئرمین قائمہ کمیٹی پارے کہ بیاس ستلج لنک و اندراگاندھی نہر پروجیکٹ کون آ ڈٹ آتون دا ڈٹ آتیان بھارت دے ٹکی دریاتا پورو دِیر ءِ کاریم اٹ اتنگ ءِ دریائے راوی نا 2 ملین ایکڑ فٹ دِیر مادھو پور آن پاکستان آ بسکہ ہراچٹک دریائے راوی خشک مننگ نا سوب آن پاکستان نا 20 لکھ ایکڑآن زیات ڈغار بنجر مریک وہندا وڑ آبی حیات ہم معدوم مریک پاکستان نا لکھ آ ایکڑ ڈغار تا بنجر و بیایان مننگ آن لکھ آ بزغراناج دسنگ نا قابل سلپسہ و ہندا وڑ پاکستان اٹی زرعی اجناس نا پیدوار اٹی خوفناک حداسکان کمتی واقع مننگ نا خدشہ ظاہر کننگ انگ ءِ ۔
