اسلام آباد۔ 27 فروری (اے پی پی) نگران بنجائی وزیر حوالکاری و شینکاری و پارلیمانی امور مرتضیٰ سولنگی پارینے کہ سٹیل ٹاؤن اٹی عالم دین و موذن آتے سٹیل انتظامیہ نا فنڈز آن 4 تُو انا سلوک آ تنخواہ تا ادائیگی مسنے ، فنڈز انا کمتی نا سوب آن آخبت اسٹیل ٹاؤن اٹی رہینگوک آ بندغ آتیان وصولی کرسا تنخواہ تا ادائیگی ءِ کننگک۔ سے شنبے ناد ے آ سینیٹ نا دیوان اٹی سینیٹر کامران مرتضیٰ نا چکاری نوٹس نا ورندی ٹی اوایوان ءِ پارے کہ سٹیل ٹاؤن مسجد کمیٹی 37 عالم دین و موذن مقرر کریسس ہرافتا تنخواہ پاکستان سٹیل نا ملازم آتا فنڈ آن ہلسا تننگاکہ ولے 2021ء آن سٹیل مل انا ملازم آتے فارغ کننگ نا ہرا چرجوئی بناکرے اونا سوب آن ملازم آتا کچ 8600 آن کم مرسا 3 ہزار سلیس ہرانا سوب آن فنڈ زہم کم مس۔ داسہ اسٹیل مل انا ملازم آتیان ہرافنڈ ءِ یکجاکننگک او اسہ لکھ 34 ہزار روپئی ءِ ہرافتیان 37 عالم دین و موذن آتا تنخواہ تننگ ممکن اف۔ ہندا سوب آن 32 عالم دین و موذن آتا کنٹریکٹ ءِ ودفنگ متو۔ سٹیل مل انتظامیہ اسٹیل ٹاؤن اٹی رہینگوک بندگ آتیان 250 روپئی فی اُرا ہلنگ نا فیصلہ کرینے ہندن دا فنڈ یکجامریک۔ 32 عالم دین وموذن آتے ادائیگی ءِ پک کننگک ولے تدوک آ چار تُو آن اوفتا سلوک آتنخواہ تے اسٹیل مل انتظامیہ تینا فنڈ آن اداکرینے۔
