اسلام آباد۔ 27 فروری (اے پی پی) نگران بنجائی وزیر حوالکاری و شینکاری وپارلیمانی امور مرتضیٰ سولنگی پارینے کہ بھلو کارکڑد اسے نا درشانی ءِ کروک آ طالب علم آتا وظیفہ غاتیکن 35 آن 40 ہزار درخواست موصول مریک، پوسکن آ ٹیکنالوجی نا کاریم اٹ اتنگ آن درخواست آتے سرتننگ نا وخت ءُ پاس ءِ کم کننگ مریک۔ سے شنبے نادے آسینیٹ نا دیوان اٹی سینیٹ اٹی وقفہ سوج آتیٹی سینیٹر کامران مرتضیٰ و ایلو باسک آتا سوج آتا ورندی ٹی نگران بنجائی وزیر حوالکاری و شینکاری وپارلیمانی امور مرتضیٰ سولنگی ایوان ءِ پارے کہ بھلو کارکڑد اسے آ وظیفہ تننگک ہرافتا سالانہ 35 آن 40 ہزار کیس طالب علم آتا وظیفہ غاتیکن بریک ہرافتا جانچ پڑتال آ وخت لگک۔ اوپارے کہ مارچ آن ستمبر اسکان نتیجہ غاتا پڑو مریک ہنداسوب آن دا کچ ودک۔ عام وڑاٹ 45 دے اٹی کیس آتا پورو مننگ نا حالیت اٹی ادائیگی کننگک۔
