راولپنڈی۔ 26 فروری (اے پی پی) اینٹی نارکوٹکس فورس منشیات اسمگلنگ نابرخلاف 11کارروائی تیٹی 109 کلوگرام منشیات دوئی کرسا 12 دوبہ دار آتے دزگیرکرے۔ اے این ایف ترجمان نا رداٹ اسلام آباد بالی پٹ آ قطر آ ہنوک آ مسافر آن 1 کلوگرام آئس دوئی کننگا ۔ لاہور بالی پٹ آن اِرا جتا جہاز آتیا قطر آہنوک آ مسافر آتیان 663 گرام و 352 گرام آئس دوئی کننگا۔ فیصل آباد آن دوحہ غا ہنوک آ مسافرآن 592 گرام ہیرون، ایم ٹو موٹروے لاہور نا خڑک آن 84 کلو گرام ہفیم، صوابی انٹرچینج نا خڑک آن 15 کلوگرام ہیرون و اورنگی ٹاؤن کراچی ٹی دوبہ دار اسے آن 1.7 کلوگرام ہیرون و 130 گرام آئس دوئی کننگا۔ ٹنڈو ٹھوڑو حیدرآبادا ٹی دوبہ دار اسے آن 2 کلوگرام چرس دوئی کننگا۔ سکھر روڈ آ اِرا دوبہ دارآن 1 کلوگرام آئس و 952 گرام ہفیم دوئی کننگا۔ راولپنڈی ٹی چکلالہ اسکیم تھری آن 1 کلوگرام چرس دوئی کرسا اِرادوبہ دار ءِ دزگیرکننگا۔ جہلم اٹی اِرا دوبہ دار آن 1 کلوگرام چرس دوئی کننگا۔ ترجمان پارے کہ دزگیر دوبہ دار آتا برخلاف انسدادِ منشیات ایکٹ انا رداٹ مقدمہ غاتے نوشتہ کرسا جاست وپاست نا بناءِ کننگانے۔
