اسلام آباد ۔ 26 فروری (اے پی پی) برقی مشینری و ازباب آتا درآمد آتیٹی برجامالی سال انا اولیکو 7 تُو اٹی سالانہ بنداوآ 41 درسد ودکی ریکارڈ کننگا۔ پاکستان بیورو شماریات نا رداٹ مالی سال انا اولیکو 7 تُو اٹی مشینری و ازباب آتا درآمدآتیا 1.417 ارب ڈالر زرمبادلہ خڑچ مس ہرا تدوک آ مالی سال انا ہندا مد انا مقابلہ ٹی 41 درسد زیات ءُ، تدوک آ مالی سال انا ہندا مد اٹی برقی مشینری و ازباب آتا درآمد آ1.007 ارب ڈالر زرمبادلہ خڑچ مسوسس۔ جنوری ٹی برقی مشینری و ازباب آتا درآمد ناکچ 280 ملین ڈالر ریکارڈ کننگا ہرا تدوک آ سال جنوری نا مقابلہ ٹی 89 درسد زیات ءُ، تدوک آ مالی سال انا ہندا مد اٹی برقی مشینری و ازباب آتا درآمد آ 148 ملین ڈالر زرمبادلہ خڑچ مسوسس۔ دسمبر نامقابلہ ٹی جنوری ٹی برقی مشینری و ازباب آتا درآمد اٹی ماہانہ بنداوآ 25 درسد نمو مس، دسمبر اٹی برقی مشینری و ازباب آتا درآمد نا کچ 225 ملین ڈالر ریکارڈ کننگا ہرا جنوری ٹی ودسا 280 ملین ڈالر مسر۔ یات سلے کہ برجامالی سال انااولیکو 7 تُواٹی مشینری گروپ نا درآمد آتیٹی سالانہ بنداو آ 17 دسد نمو مس، اولیکو 7 تُواٹی مشینری گروپ نا درآمد آتا کچ 4.35 ارب ڈالر ریکارڈ کننگا ہرا تدوک آ مالی سال انا ہندا مد اٹی 3.73 ارب ڈالر ئسر۔
