کوئٹہ۔ 26 فروری (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور ناماہر سینیٹر محمد عبدالقادر اسہ خصوصی بیان اسے ٹی پارینے کہ چین اقوام متحدہ نا سلامتی کونسل اٹ یوکرائن نا تنکی نا سیاسی ایسری آ زور شاغانے، چین دا ہم پارینے کہ غٹ ملک آتا وتواجہی و علاقائی سالمیت نا بایدے شرف ءِ کننگے۔ اقوام متحدہ نا جنرل اسمبلی و سلامتی کونسل ہڑتوم آ ک دا ویل انا ایسری نا پٹنگ اٹی اہم ءُ کڑد اس ادا کننگ کیرہ، اقوام متحدہ ٹی چین نا آخبتی نمائندہ فریق آتے جنگ انا ویل انا پرامن ایسر ءِ گپ وتران اٹ پٹوئی مریک ، اوپارے کہ جہانی برادری نا ہم زمواری ءِ کہ او مچ آدنیاٹی مروک آ غٹ جنگ آتے گپ وتران نا کمک اٹ ایسر کے، جنگ ویل آتا ایسر اف بلکن تینٹ اسہ ویل اسے، یوکرائن نا تنکی سنگین ءُ حالیت اس اختیارکرینے، دُن مف کہ دا جنگ انا شعلہ غاک علاقہ ناایلو ملک آتے تینا پلویڑ اٹی ہلیر دانا پائیدار ایسر اس پٹنگے، روس ویوکرائن نا جنگ انا جہانی امن و تیل انا نہاد آتیا براہ راست اثرمرتب مننگ ءِ، اوپارے کہ فریق آتے مرے کہ او زموار انہ کڑد ادا کیر، و تعمیری سفارتی کوشست آتے ترند کیر تانکہ جہانی امن مننگ کے، جہانی برادری ءِ مرے کہ او فریق آتا نیام اٹ تناؤ ٹی کمتی کن سفارتی و سیاسی کڑد ادا کیر، دا جنگ اٹی بے سوب اڑاند آتے بش کننگپ، فریق آتے سلہہ غاتا فراوانی ءِ توننگے تانکہ او خاخر و دترتون گوازی کننگ کپس، جنگ آتیان اسہ ہم پائیدار ایسر اس پٹنگ مفک، چیئرمین قائمہ کمیٹی مستی پارے کہ غٹ ملک آتا وتواجہی و سالمیت نا خیال ءِ بایدے تخنگے، جنگ آتا سوب آن مدام علاقائی و جہانی کہول آ کبینی ٹی بھاز ودکی مریک، جہانی مارکیٹ اٹی تیل انا نرخ آتیٹی بے کچ ودکی مریک ۔ چین مدام جہانی و علاقائی جھیڑہ غاتا قابل عمل ایسر اس پٹنگ اٹ تینا اہم کڑد ءِ ادا کرینے، مچ آ دنیا توانائی نا تنکی نا پلویڑاٹی ءِ، جہانی منڈی تیٹی تیل انا نہاد آتیٹی ودکی آن کبینی ٹی پین ودکی مریک و لس بندغ نا زند ہ سلنگ محال مرسا کیک۔
