کوئٹہ۔ 26 فروری (اے پی پی) نگران وزیرداخلہ، میر محمد زبیر جمالی نابلوچستان نا چندی ضلع غاتیٹی پِر و برف اٹی پی ڈی ایم اے و ضلعی انتظامیہ نا کنڈآن گام گیج آتیا است جمی نا درشانی ءِ کرے۔ داخیال آتا درشانی ءِ او تینا جاری کروک بیان اٹی کرے۔ نگران وزیرداخلہ پارے کہ بلوچستان اٹی پِر و برف اٹی قومی شاہراہ تیا برف آتے اسہ کنڈ کننگ نا چرجوئی برجاءِ۔ ضلعی انتظامیہ کمک و راہشونی کن بے مٹ گام گیج کرینے۔ پی ڈی ایم اے نا کنڈآن گچین گام گیج آن مثبت دروشم ءِ تالان کننگ اٹ کمک رسینگک۔ اوپارے کہ ہروڑنا ایمرجنسی تون مون تننگ کن پی ڈی ایم اے نا ایمرجنسی کال نمبر آرابطہ کیر۔ او پارے کہ ضلعی انتظامیہ الس نا جان مال نارکھ ءِ پک کننگ کن کوشست کننگ ءِ۔
