اسلام آباد۔ 26 فروری (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ برجاسال انا ارٹ میکو قومی پولیو تورمہم بناکرینے، پولیوءِ چٹفنگ ننا غٹ انا قومی، اخلاقی، دینی و سوشل فرض ءِ۔ دوشنبے نادے آ وزارت جان جوڑی آن جاری بیان نا رداٹ ڈاکٹر ندیم جان پارے کہ دوشنبے آن برجاسال انا ارٹ میکو قومی انسدادِ پولیو مہم بناکرینے ہراٹی 4 کروڑ 45 لکھ آن زیات چناتے پولیو آن بچفنگ نا پڑی کُنفنگ۔ اوپارے کہ پولیو ءِ چٹفنگ ننا غٹ انا قومی، اخلاقی ، دینی و سوشل فرض ءِ۔ پاکستان و اوغانستان آن بیدس مچ آ دنیا نا چناک پولیو آن رکھ زند اس تیر کننگ ءُ۔ پولیو نا مرض پاکستان کن گڑتی نا سوب ءِ۔ مچ آدنیا نا ملک آک ہندا پولیو ویکسین نا سوب آن پولیو نا مرض ءِ شکست تسنو۔ڈاکٹر ندیم جان پارے کہ پولیو نا چٹفنگ کن تینا چناتسکان پولیو ویکسین نا رسینگ مہالوآن ہم زیات اہم ءِ۔ پولیو نا چٹفن نا عزم اکن ننا 4 لکھ آن زیات پولیو ہیرونمادرگہ غا روشنا و جان جوڑ آخبت نا دستک ایترہ ۔ پولیو ہیروک تینا جون ءِ دلدست آ تخسا نما کودک چناتا آخبت ءِ جوڑ کننگ ءُ اوفتا شرف ءِ کبو و اوفتے تون کمک کبو۔
