مریم  نواز شریف   ملکی  تاریخ  ءِ  اولی  زالبولیں  سر وزیر  پنجاپ  گچین ،   220  ووٹ  گپتگ

لاہور۔26فروری  (اے پی پی):پاکستان مسلم لیگ (ن)  ءِ  چیف  آرگنائزر  ءُ پیسریگیں   مزن وزیر  نواز شریف  ءِ   زھگ  مریم  نواز شریف    220   ووٹ  گران ءَ  ملک ءِ   اولی زالبوالیں  سر وزیر  پنجاپ   گچین بوتگ۔  دو شمبے  ءِ روچ ءَ پنجاپ  اسمبلی  ءِ  دیوان  ءَ  سر وزیر   گچین بوتگ ، ایشی ءِ اندر ءَ   اپوزیشن  سنی  اتحاد کونسل ءَ گچین کاری   کار ءِ اندر   بھر  نہ  زرت،  سپیکر   پنجاپ اسمبلی ملک احمد  خان ءَ  آسر   ریزلٹ ءِ جار  جنان ءَ گوشت  کہ  مریم نواز  ءَ   220  ووٹ گپتگ   وھدیکہ   آئی ءِ مد مقابل  آفتاب  احمد  خان ءَ را  اچ  ووٹ  نہ رستگ۔ سپیکر  پنجاپ اسمبلی   ءَ   مریم نواز    ءَ را سر وزیر  پنجاپ   گچین بوھگ  ءِ  پد ءَ  مبارک بات دات۔