اسلام آباد۔26فروری (اے پی پی):سپیکر راجی اسمبلی راجہ پرویز اشرف ءَ مریم نواز ءَ را سر وزیر پنجاپ گچین بوھگ ءِ پد ءَ مبارک بات دیان ءَ آئی ءِ واستہ نیکیں واھگ آنی درشان کت۔ دو شمبے ءَ وتی کلوہ ءَ آئی ءَ گوشت کہ مریم نواز ءَ را بطور سر وزیر پنجاپ گچین بوھگ ، آئی ءِ سر ءَ پنجاپ اسمبلی ءِ باسک آں دل یکیمی درشان کتگ۔ آئی ءَ گوشت کہ ملک ءُ پارلیمانی راجدپتر ءَ اولی زالبولیں سر وزیر گچین بوتگ۔ مریم نواز یک شاہوکاریں مردم اِت۔ آئی ءَ امیت سہرا کت کہ مریم نواز ءِ سروکی ءَ پنجاپ حکومت صوبہ پنجاپ ءَ را دیمروئی ءُ وشھالی ءِ کشک ءَ رھادگ کنت۔ آئی ءَ گوشت کہ مریم نوز ءِ گچین بوھگ ءِ پد ءَ صوبہ پنجاپ ءِ الس آنی گہبود ءُ وشھالی ءِ واستہ نیک ءُ نگبہت سہرا بیت۔
