اسلام آباد۔26فروری (اے پی پی):قومی اسمبلی سیکرٹریٹ ءَ جوڑ بوتگیں آسراتی سینٹر ءَ نوک گچین بوتگیں راجی اسمبلی ءِ رجسٹریشن ءِ رچ جاڑی انت۔ راجی اسمبلی سیکرٹریٹ ءِ رد ءَ دو شمبے ءَ نوک گچین بوتگیں ممبر راجی اسمبلی عبدالعلیم خان، مصطفیٰ محمود ، امیر علی شاہ جیلانی، شہر یار خان مہر، میاں اظہر، شر میلہ فاروقی ءُ سردار علی گوہر مہر ءَ وتی رجسٹریشن ءِ کار سرجم کنائینت۔ راجی اسمبلی ءِ بنگیجی دیوان ءَ چہ پیسر رجسٹریشن ءِ کار سرجم کنگ ءُ ممبر راجی اسمبلی ءِ کاٹ جاڑی بوھگ المی انت۔ نوک گچین بوتگیں شرپ مندیں ممبر راجی اسمبلی ءَ گوں دزبندی انت کہ بنگیجی دیوان ءَ چہ پیسر وتی رجسٹریشن ءِ کار ءَ سرجم بکنائین اَنت۔
