لاہور۔25فروری (اے پی پی):پاکستان مسلم لیگ (ن ) ءِ بنجاھی سروک سردار ایاز صادق ءُ خواجہ سعد رفیق ءَ گوشگ کہ ملک ءِ سیت ءِ واستہ توامیں سیاسی گل آناں یک پلیٹ فارمے ءِ سر ءَ یکجا ہ بوھگ لوٹ ائیت، پاکستان ءَ را سکی آں چہ در کنگ ءِ واستہ ھمک رنگیں کوشست کناں، مسلم لیگ ن بیر گیری ءِ سر ءَ یکیم نہ دار ائیت، کسد ءُ کینگ ءِ مقابلہ کسد ءُ کینگ ءَ گوں کنگ نہ بیت، اے ھیالانی درشانی آئی ءَ یک شمبے ءِ روچ ءَ بھٹہ چوک ءَ سبارگ ءِ دعوت ءِ ساھت ء گشتانک دیان ءَ کت۔ سردسار ایاز صادق ءَ گوشت کہ انشاء اللہ محمد شہباز شریف مزن وزیر جوڑ بیت ءُ پیپلز پارٹی مسلم لیگ ن ءِ سپورٹ کناں ، پیپلز پارٹی ناں ایوک ءَ راجی اسمبلی ءَ مسلم لیگ ن ءَ را ووٹ دنت انت بلکینگ ءَ ایش پاکستان ءِ سیت ءَ کانود جوڑ کنت ایشی ءِ اندر ءَ آ ھم ھمبراہ داری کنت انت۔ پیپلز پارٹی ءَ بنجاھی کابینہ ءَ اچ وزارت نہ لوٹ اتگ۔ آئی ءَ گوشت کہ ایم کیو ایم ھم مسلم لیگ ن ءِ مزن وزیر ءِ کمک ءَ کن انت، ق لیگ ءُ آئی پی پی ھم ایشی ءِ بھر بنت ، راجی اسمبلی ءَ مسلم لیگ ن ءِ کمک کنوکیں باسک آنی کساس 200 ءِ نزیک ءَ پج ائیت۔ ایاز صادق ءَ گوشتگ کہ پاکستان ءَ را سکی آں چہ در کنگ ءِ واستہ ھمک رنگیں کوشست کناں۔
