اسلام آباد۔ 23فروری (اے پی پی) صدر مملکت ڈاکٹر عارف علوی پارینے کہ پاکستان غٹ سکھ یاتری تے بخیر اٹ پاہک، کرتارپور راہداری امن نا نشانی ءِ، کرتارپور راہداری آن پاکستان دنیا ءِ کلہو تس کہ پاکستان امن نا خواہندار ءِ، پاکستان نا کلہو امن نا کلہو ءِ۔ او جمعہ نادے آ کرتارپور راہداری نا دورہ نا وخت آ گپ وتران کر یکہ۔ صدر مملکت ڈاکٹر عارف علوی پارے کہ بین المذاہب ہم آہنگی نا داوڑنا مستی گام گیج آتیان ڈیہہ اٹی امن ءِ مون آ دننگک، سکھ مذہب امن و سیوت، مخلوق ءِ اسہ ایلو تون اسٹ مننگ نا درس تس۔ اوپارے کہ سکھ یاتری تا آسانی و آسراتی کن پاکستان نا گام گیج آک سفت نا قابل ءُ۔ صدر مملکت ءِ سی ای او پروجیکٹ مینجمنٹ یونٹ کرتارپور صاحب اٹی سکھ یاتری تا آسراتی کن کروک آ گام گیج آتیا حوال تس ہراٹی پاننگاکہ حوال اٹی صدر مملکت ءِ سکھ مذہب و کرتارپور صاحب نا تاریخ نا بارواٹی پاننگا۔ صدر مملکت کرتارپور صاحب اٹی چندی ہند آتا دورہ ءِ کرے و یاتری تیکن کروک آ بست وبندآ تا ستاءِ کرے۔ صدر مملکت تینا دورہ ٹی میوزیم و لنگرخانہ نا دورہ ءِ ہم کرے۔
