اسلام آباد۔ 23 فروری (اے پی پی) ایل پی جی نا درآمد آتیٹی برجامالی سال انا اولیکو 7 تُو اٹی سالانہ بنداوتیا اسہ درسد نا نمو ریکارڈ کننگانے۔ پاکستان بیورو شماریات نا حساب وکتاب نا رداٹ مالی سال انا اولیکو 7 تُو اٹی ایل پی جی نا درآمد آتا کچ 435 ملین ڈالرریکارڈ کننگا ہرا تدوک آ مالی سال انا ہند امد انا مقابلہ ٹی اسہ درسد زیات ءُ۔ تدوک آ مالی سال انا ہندا مد اٹی ایل پی جی نا درآمد آتیا 429 ملین ڈالر نا زرمبادلہ خڑچ مسوسس۔ جنوری ٹی ایل پی جی نا درآمد آتا کچ 87 ملین ڈالر ریکارڈ کننگا ہرا تدوک آ سال جنوری نا مقابلہ ٹی 22 درسد زیات ءُ۔ تدوک آ سال جنوری ٹی ایل پی جی نا درآمد آتیا 71 ملین ڈالر نا زرمبادلہ خڑچ مسوسس۔ دسمبر نا مقابلہ ٹی جنوری ٹی ایل پی جی نا درآمد آتیٹی ماہانہ بنداوتیا 18 درسد نا نمومس۔ دسمبر اٹی ایل پی جی نا درآمد آتیا 74 ملین ڈالر خڑچ مس ہرا دسمبر اٹی ودسا 78 ملین ڈالر مسر۔ یات سلے کہ مالی سال انا اولیکو 7 تُو اٹی پیٹرولیم گروپ نا جم درآمد آتیا 9.33 ارب ڈالر نا زرمبادلہ خڑچ مس ہرا تدوک آ مالی سال انا ہندا مد انا مقابلہ ٹی 12 درسد کم ءُ۔ تدوک آ مالی سال انا ہند امد اٹی پیٹرولیم گروپ نا جم درآمد آتیا 10.61 ارب ڈالر نا زرمبادلہ خڑچ مسوسس۔