اسلام آباد۔ 23 فروری (اے پی پی) ترانکارآک ’’بیلٹ اینڈ روڈ انیشی ایٹیو نا کمک اٹ جہانی رابطہ غاتے ودفنگ اٹ میڈیا نا کڑد ‘‘ انا سرحال آ جہانی کانفرنس اٹی جہانی برادری ءِ مون تروک چیلنج آتا بارواٹی جہانی آگاہی ٹی ودکی و بروک آ چین تیکن گیشتر تین پہ تینی رابطہ و تین پہ تینی وڑاٹ فائدہ ئی تعلقداری نا کسر ءِ آوار کننگ اٹ میڈیا نا کڑد ءِ تالان کرینو۔ دا جہانی کانفرنس چائنا میڈیاگروپ (اسلام آباد اسٹوڈیو) ، فاؤنڈیشن یونیورسٹی اسلام آباد نا شعبہ آرٹس اینڈ میڈیا و پاکستان ریسرچ سینٹر فار اے کمیونٹی نا کنڈآن داڑے اڈ ہلک۔ کانفرنس نا مسخت چینی صحافت اٹی بنداوی قدر انا بارواٹی جاچکاری، رپورٹ نا آب و السی گپ وتران آ اوفتا اثرآتے پٹنگ و چینی دودوربید ہ ءِ مون آ دننگ اٹ چینی میڈیا نا فعال کڑد ءِ پٹنگ ئس تانکہ دا بابت جہانی بیداری ٹی ودکی مننگ کے۔ چینی میڈیا فعال وڑاٹ داہیت آ زور شاغک کہ بیلٹ اینڈ روڈ انیشی ایٹیو ہراوڑ واپار نا مون آ دننگ، زرکاری ءِ اتنگ و شریک ملک آتا منڈی تے ودفنگ اٹ کڑد ادا کننگ ءِ۔ کانفرنس نا نظامت فاؤنڈیشن یونیورسٹی اسلام آباد نا لیکچر رنشاط انصار کرے۔ ریکٹر/پروریکٹر فاؤنڈیشن یونیورسٹی اسلام آباد بریگیڈیئر (ر) ڈاکٹر عبدالغفور تینا تران اٹی پارےکہ کانفرنس اٹی بشخ ہلنگ آ چین نا غٹ مہمان و ایلو ترانکارآتا منت واری ءِ ہرفے۔ اومثبت کڑد، پختگی و تعمیری حقیقتءِ مون آدننگ اٹ چینی میڈیا نا کڑد انا ذکر ءِ کرسا اسیجائی است خواہی تے دوئی کننگ کن اسیجائی پروجیکٹ بشمول کانفرنسز، ٹریننگ و ایکسچینج لرننگ پروگرام تا اڈتننگ کن علاقائی میڈیا کنیکٹیوٹی سینٹر نا جوڑ کننگ ءِ مون آ تخا۔
