اسلام آباد۔ 23 فروری (اے پی پی) الیکشن کمیشن سندھ و بلوچستان آن قومی اسمبلی نا زالبول آتا مخصوص نشست آتیا اومیتدار آتا سرسہبی نا نوٹیفکیشن ءِ جاری کرے، سندھ آ ن پاکستان پیپلزپارٹی پارلیمنٹرینز ءِ 10 وخت اس کہ متحدہ قومی موومنٹ پاکستان ءِ 4 نشست دوئی مس۔ الیکشنم کمیشن نا کنڈآن جمعہ نادے آ جاری نوٹیفکیشن نا رداٹ پاکستان پیپلزپارٹی پارلیمنٹرینز نازالبول آتا مخصوص نشست آتیا سرسہب اومیتدار آتیٹی شازیہ جنت مری، نفیسہ شاہ، شگفتہ جمانی، شاہدہ رحمانی ، سیدہ شہلارضا، مہتاب اکبر راشدی، مسرت، مہرین رزاق بھٹو، شازیہ ثوبیہ، ناز بلوچ وخت اس کہ متحدہ قومی موومنٹ نا آسیہ اسحاق صدیقی، نکہت شکیل خان، سبین غوری و عناانصر اوار ءُ۔ بلوچستان آن قومی اسمبلی نا مخصوص نشست آتیا پاکستان پیپلزپارٹی پارلیمنٹرینز نا ازبل زہری، مسلم لیگ (ن) نا کرن حیدر، اختربی بی و جمعیت علماء اسلام ۰ف) ناعالیہ کامران گچین گوندنگار۔
