اسلام آباد۔ 23 فروری (اے پی پی) نگران بنجائی وزیر حوالکاری، شینکاری و پارلیمانی امور مرتضیٰ سولنگی جمعہ نادے آ داڑے پارلیمنٹ ہاؤس نا پریس گیلری نا دورہ ءِ کرے و صحافی تتون اسٹ اسٹ آ اوڑدہی کرے۔ داوخت آ گپ وتران کرسا بنجائی وزیر حوالکاری پارے کہ نگران حکومت آئین و کانود نا رداٹ تینا زمواری تے پورو کرینے۔ اوپارے کہ صحافی ملک اٹی جمہوریت و آجوئی درشانی سلاہ نا اہم تمبہ ءُ۔ صحافی راج اکن اسہ آدینک اسے ءُ، او الس ءِ راستکی تیان معلومدار کیرہ۔ اوپارے کہ نگران حکومت آجوئی درشانی سلاہ نا رکھ اکن ہم گام گیج کرے۔ داوخت آ صحافیک پریس گیلری نا دورہ ءِ کننگ آ بنجائی وزیرحوالکاری مرتضیٰ سولنگی نا منت واری ءِ ہرفیر۔ اومرتضیٰ سولنگی نا بحیثیت بنجائی وزیر حوالکاری نگران دور حکومت اٹ کڑد انا ہم ستاءِ کریر۔
