اسلام آباد۔ 22 فروری (اے پی پی) سویلی چین ءِ 2023 اٹی پاکستان نا برآمد آتیٹی 16 درسد ودکی مسنے۔ جنرل ایڈمنسٹریشن آف کسٹمز آف چائنا(جی اے سی سی ) نا جاری تازہ انگا حساب وکتاب نا رداٹ جنوری آن دسمبر 2023 اٹی پاکستان آن سویلی چین ءِ برآمد آتا جم مالیت 973.21 ملین ڈالر نا ریکارڈ بڑزکو کہول آ سرمس ہرا 2022اٹی 836.645ملین ڈالر ئسر۔ صوبہ گوانگ ڈونگ 2023اٹی پاکستان آن 379.011ملین ڈالر نا گڑا درآمد کرے وخت اس کہ صوبہ فوجیان 367.30ملین ڈالر، گوانگسی ژوانگ نا 86.790 ملین ڈالر نا گڑادرآمد کرے۔ 2023 اٹی صوبہ ہینان 56 درسد ودکی اتون 85.883 ملین ڈالر نا گڑادرآمد کرے۔ یات سلے کہ 2021 آن 2023 اٹی چین ءِ پاکستان ناکل برآمد آتیٹی سالانہ بنداوتیا 1.4 درسد ودکی مسنے۔ سویلی چین ءِ برآمد آتیٹی ودکی پاکستان نا زرگزران کن فائدہ مند ءِ و داڑآن ہڑتوم آ ملک آتا نیام اٹ واپاری عدم توازن ءِ چٹفنگ اٹ کمک رسینگک۔
