اسلام آباد۔ 22 فروری (اے پی پی) بجلی نا پیدواری مشینری نا درآمد آتیٹی برجامالی سال انا اولیکو 7 تُو اٹی سالانہ بنداوتیا 27 درسد نا کمتی ریکارڈ کننگانے۔ پاکستان بیورو شماریات نا حساب وکتاب نا رداٹ مالی سال انا اولیکو 7 تُو اٹی بجلی نا پیدواری مشینری نا درآمد آتا کچ 245 ملین ڈالر ریکارڈ کننگا ہرا تدوک آمالی سال انا ہندا مد انا مقابلہ ٹی 27 درسد کم ءُ۔ تدوک آ مالی سال انا ہندا مد اٹی بجلی نا پیدواری مشینری نا درآمد آتیا 336 ملین ڈالر نا زرمبادلہ خڑچ مسوسس۔ جنوری ٹی بجلی نا پیدواری مشینری نا درآمد آتا کچ 35 ملین ڈالر ریکارڈ کننگا ہرا تدوک آ سال جنوری نا مقابللہ ٹی 19 درسد کم ءُ۔ تدوک آ سال جنوری ٹی بجلی نا پیدواری مشینری نا درآمد آتیا 44 ملین ڈالر نا زرمبادلہ خڑچ مسوسس۔ دسمبر نا مقابلہ ٹی جنوری ٹی بجلی نا پیدواری مشینری نا درآمد آتیٹی ماہانہ بنداوتیا 17 درسد ودکی مس۔ دسمبر اٹی بجلی نا پیدواری مشینری نا درآمد آتا کچ 30 ملین ڈالر ریکارڈ کننگا ہرا جنوری ٹی ودسا 35 ملین ڈالر مسر۔ یات سلے کہ مالی سال انا اولیکو 7 تُو اٹی مشینری گروپ نا جم درآمد آتیٹی سالانہ بنداوتیا 19 درسد نا کمتی مس۔ مالی سال انا اولیکو 7 تُو اٹی مشینری گروپ نا درآمد آتیا 4.35 ارب ڈالر نا زرمبادلہ خڑچ مس ہر اتدوک آ مالی سال انا ہندا مد اٹی 3.73 ارب ڈالر ئسر۔
