اسلام آباد۔ 22 فروری (اے پی پی) وزارت مذہبی امور حضرت مجدد الف ثانی نا عرس انا دود آتیٹی بشخ ہلنگ نا خواہندار پاکستانی تیان تخوک آ زیارت فارم نا کمک اٹ 29 فروری اسکان درخواست آتے بٹنگانے۔ وزارت مذہبی امور نا ترجمان نا رداٹ حضرت مجدد الف ثانی نا عرس انا دود آک بھارت نا شار سرہند شریف اٹی 29 اگست آن 4 ستمبراسکان مریرہ۔ عرس اٹی بشخ ہلنگ نا خواہندار پاکستانی وزارت مذہبی امور نا مقررہ فارم آ 29 فروری 2024اسکان تینا درخواست آتے وزارت مذہبی امور آ گدریفنگ کیرہ۔ 200 پاکستانی زائر آتے عرس انا دود آتیٹی بشخ ہلنگ کن گچین کننگک۔ تخوک آ کچ آن درخواست آتا زیات مننگ نا حالیت اٹی قرعہ اندازی 28 مارچ 2024 آ وزارت مذہبی امور اٹی مریک۔ متکن آ زیارت فارم آ درخواست آتے مننگ پننگک۔
