ریوڈی جنیرو۔ 22 فروری (اےپی پی) سعودی وزیرخارجہ شہزادہ فیصل بن فرحان برازیل اٹی جی 20 وزراء خارجہ نا دیوان نا وخت آ امریکی ہم منصب انٹونی بلنکن تون اوڑدہی کرے۔ ایس پی اے نا رداٹ ہڑتوم آ وزیرخارجہ غاک غزہ ٹی پیش رفت و تنکی نا ایسری کن برجاکوشست آتیا گپ وتران کریر۔ داکان مست سعودی وزیرخارجہ برازیلی ریاست ریوڈی جنیرو ٹی جی 20 دیوان نا وخت آپارے کہ جی 20 ملک آتا زمواری ءِ کہ او غزہ ٹی مروک آبھسکاری نا چٹفنگ کن فیصلہ کن کارروائی کیر ہراڑآن علاقائی امن و شونہالی اتون جہانی اقتصادی سوگوی ءِ ہم خطرہ مون تروک ءِ۔ اوغزہ نا پٹی ٹی مروک آ ظلم انا مذمت نا اہمیت نا ہم درشانی ءِ کریر۔
