اسلام آباد۔ 22 فروری (اے پی پی) قومی اسمبلی نا ترجمان پارینے کہ پوسکن گچین مروک آ قومی اسمبلی نا باسک آتیکن جوڑ فیسلی ٹیشن سینٹر پنچ شنبے نادے 22 فروری آن اسمبلی نا بنائی دیوان اسکان فعال سلک۔ قومی اسمبلی سیکرٹریٹ آن جاری بیان نا رداٹ ترجمان پارے کہ فیسلی ٹیشن سینٹر قومی اسمبلی نا کمیٹی روم نمبر 2 اٹی جوڑ کننگانے ہراٹی پوسکن گچین مروک آ شرفمندقومی اسمبلی نا باسک آتا بننگ نا چرجوئی برجاءِ۔ فیسلی ٹیشن سینٹر اٹی پوسکن گچین مروک آ قومی اسمبلی نا باسک آتا رجسٹریشن آن بیدس کارڈز و ایلو المی دستاویز آتیکن عکس جوڑ کننگ انگ ءِ۔ پوسکن گچین مروک آ باسک آتیان ممکنہ رش انا سوب مروک آ دشواری آن بچنگ کن فیسلی ٹیشن سینٹر اٹی وخت آ بننگ نا خواست کرینے۔ پوسکن گچین مروک آ قومی اسمبلی نا باسک آک رجسٹریشن کن تینا قومی شناختی کارڈ اتون اوار ایلو المی دستاویز آتے تینتون تخر۔
