اسلام آباد۔ 22 فروری (اے پی پی) نگران بنجائی وزیر حوالکاری، شینکاری و پارلیمانی امور مرتضیٰ سولنگی پارینے کہ الس اٹ پٹ وپول نا رجحان ءِ مون آ دروئی مریک، ڈیجیٹل میڈیا نا دور اٹی ورناتیٹی علم انا مون آ دننگ کن ڈائریکٹوریٹ آف الیکٹرانک میڈیا اینڈ پبلی کیشن ڈسپلے سینٹر اس جوڑ کرسا گچین کوشست کرینے۔ داہیت ءِ او پنچ شنبے نادے آ داڑے پاک چائنا فرینڈ شپ سینٹر اٹی ڈائریکٹوریٹ آف الیکٹرانک میڈیا اینڈ پبلی کیشن (DEMP)نا کنڈآن جوڑ کروک اولیکو ڈسپلے سینٹر نا بنائی دود آن تران کرساپارے۔ بنجائی وزیر حوالکاری پارے کہ ڈائریکٹوریٹ آف الیکٹرانک میڈیا اینڈ پبلی کیشن 2012ء ٹی اِرا ادارہ غاتا انظام آن جوڑ مس، ڈائریکٹوریٹ آف فلم پبلی کیشن پاکستان جوڑ مننگ آن مست ساڑی ئس۔ اوپارے کہ ڈائریکٹوریٹ آف الیکٹرانک میڈیا اینڈ پبلی کیشن بھاز نایاب وڑنا کتاب وعکس شینک کننگ ءِ۔ دا ادارہ نا پبلی کیشن قائد اعظم نا مزار، شکرپڑیاں، لوک ورثہ و لس مارکیٹ اٹی ہم دستیاب ءِ۔ اوپارے کہ DEMPنا ڈسپلے سینٹر ایلو ہند آتیا ہم جوڑ کننگک۔ بنجائی وزیر پارے کہ اسہ ہندن ءُ وخت اسے ٹی ہراتم مخلوق اٹی خواننگ و پٹ وپول نا رجحان کم مننگ ءِ، دا ادارہ الس اٹ پٹ وپول نا کچ ءِ مون آ درے، ڈسپلے سینٹر نا جوڑ کننگ کن DEMPنا مچ آ ٹیم بھاز خواری کرے و گونڈ وخت اٹی ڈسپلے سینٹر نا جوڑ کننگ ءِ ممکن کرے ہراڑآ اونا منت واری ءِ ہرفنہ۔ اوپارے کہ ڈسپلے سینٹر اٹی تخوک آ کتاب و پبلی کیشن بڑزکو آب انا ءُ۔ اوپارے کہ ڈیجیٹل میڈیا نا دور اٹی ورناتیٹی علم انا مون آدننگ المی ءِ۔
